Ədliyyə naziri: “Qanunsuz ayrılan 8 200 hektardan artıq torpaq geri qaytarılıb”

“Ötən il 409 min icra sənədinin icrası təmin edilib, 700 milyon manat vəsaitin fiziki və hüquqi şəxslərə, habelə vergi borcları üzrə büdcəyə ödətdirilməsi təmin edilib”.

“Report”un məlumatına görə, bunu Ədliyyə naziri Fikrət Məmmədov bildirib.

Onun sözlərinə görə, məhkəmə ekspertizası mərkəzində 41 ekspert ixtisası üzrə 35 000-ə yaxın işə baxılıb, bələdiyyələrin 77 000-dən çox aktı inzibati nəzarət qaydasında yoxlanılıb, qanunsuz ayrılmış 8 200 hektardan artıq torpaq sahələri geri qaytarılıb, cinayət xarakterli 23 fakt üzrə materiallar prokurorluğa göndərilib.