BNA: Paytaxtda zəbt edilmiş piyada səkiləri vətəndaşların ixtiyarına veriləcək

Bakı. 21 avqust. REPORT.AZ/ Paytaxtın əksər küçələrində piyada səkiləri zəbt edildiyi üçün sərnişinlər avtobus dayanacağına daxil olmaq üçün yolun hərəkət hissəsinə çıxmağa məcbur olur. 

"Report" xəbər verir ki, bu barədə Bakı Nəqliyyat Agentliyinin (BNA) infrastrukturun təşkili şöbəsinin müdiri Fuad İsmayılov bildirib. 

"Bu da vətəndaşların təhlükəsizliyi baxımından ciddi problemdir. Artıq BNA bu istiqamətdə işlərə başlanılıb. Məqsədimiz zəbt olunmuş səkilərin piyadaların ixtiyarına verilməsi, eləcə də səkilərin mövcud olmadığı yerlərdə yeni, standarta uyğun səkilər yaratmaqdır. Bunun üçün agentlik aidiyyətı dövlət qurumları ilə əlaqələndirilmiş şəkildə fəaliyyət göstərir", - deyə o, qeyd edib.