Astarada kanalizasiya sistemi yaratmaq 65 milyon manatdan baha başa gələcək

Azərbaycan Dövlət Su Ehtiyatları Agentliyinin tabeliyində Tikilməkdə Olan Obyektlərin Müdiriyyəti Astara şəhərində kanalizasiya sisteminin yaradılmasına hazırlaşır.

"Report" dövlət satınalmalarının vahid internet portalına istinadən xəbər verir ki, qurum bununla bağlı tender elan edib.

Elanda deyilir ki, işlərin ehtimal olunan qiyməti 65 milyon 221 min manatdır.

Tenderə qatılmaq istəyən şirkətləri bunun üçün 9,8 min manat iştirak haqqı ödəməlidir, təkliflərini iyunun 12-nə qədər təqdim etməlidirlər. Təkliflərə həmin gün saat 15:00-da baxılacaq.