Sənətşünas rəssamların kolleksiyalarına sahib çıxmaqla bağlı nazirliyə çağırış edib

Sənətşünas Rəfael Gülməmmədov rəssamların kolleksiyalarına sahib çıxmaqla bağlı Mədəniyyət Nazirliyinə çağırış edib.

"Report" xəbər verir ki, bu barədə sənətşünas Azərbaycanda ilk dəfə keçirilən "Mədəni İrs" forumunda panel müzakirə zamanı danışıb.

O qeyd edib ki, rəssamların kolleksiyalarına mütəmadi olaraq baxış keçirilməli, nazirlik tərəfindən lazımi nümunələr alınmalıdır.

"Məsələn, elə bu il vəfat edən görkəmli rəssamımız Fazil Nəcəfin irsi indi onun övladlarının ixtiyarındadır. Hesab edirəm ki, biz bu irsə sahib çıxmalıyıq. Demirəm, hamısı alınsın, amma bunun üçün komissiya təşkil etmək olar, o komissiya emalatxanada rəssamın irsinə baxış keçirib, lazımi qiyməti vermək üçün addım ata bilər", - sənətşünas vurğulayıb.