Mərhum Ramiz Məlikin bacısı: "Son üç ayda vəziyyəti daha da pisləşmişdi"

Mərhum Xalq artisti Ramiz Məlikin bacısı Pəri Məlikova qardaşının son üç ayda vəziyyətinin daha da pisləşdiyini bildirib.

"Report" xəbər verir ki, o, qardaşı ilə bağlı xatirələrinin çox olduğunu söyləyib.

P.Məlikova vurğulayıb ki, Ramiz Məlik hər zaman xalqın diqqətində olub: "Kino və teatr sənətində tanınmış aktyor idi. Ən çox teatrda tanınırdı. Martdan xəstə idi. Təxminən 9 ay olardı xərçəng xəstəliyindən əziyyət çəkirdi. Son üç ayda isə vəziyyəti daha da pisləşmişdi, xilas ola bilmədi".