Televizorlarda casus proqramları aşkar edilib

"Skyworth” markalı televizorların sahibləri casus proqramları aşkar edib.

Bu barədə “Report”a Xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə Qarşı Mübarizə Mərkəzindən məlumat verilib.

Tədqiqatçılar bu məqsədlə televizorlara xüsusi “Gozen Data” proqramının quraşdırıldığını iddia edirlər. Zərərverici proqram Wi-Fi-ya qoşulmuş IP ünvanlarını, MAC ünvanlarını və cihazların adlarını toplayaraq gz-data.com platformasına ötürür.

“Skyworth”un nümayəndələri məlumat toplanmasını casusluq üçün deyil, yalnız və yalnız kommersiya məqsədilə olunduğunu iddia edirlər.