"5 il bundan öncə 6 500 şagirdlə başlatdığımız "Rəqəmsal bacarıqlar layihəsi" bu gün 300 min şagirdi, 3 minə qədər müəllimi əhatə edir".
"Report" xəbər verir ki, bunu "IT Academy"nin açılış mərasimində elm və təhsil nazirinin müavini Muxtar Məmmədov deyib.
"Texnologiyalardan istifadə gələcək fəaliyyəti uğurla reallaşdırmağa xidmət edir. Bu tədbir də çox uğurlu vaxta təsadüf edir. Bir neçə gündən sonra Zəfər Gününü qeyd edəcəyik. Əsgərlərimiz estafeti savadlı istedadlı gənclərə verir", - deyə o, qeyd edib.