Mikayıl Cabbarov: "Mentorluq proqramlarına resurs ayıra bilərik"

Azərbaycan İqtisadiyyat Nazirliyi mentorluq proqramlarına resurslar ayırmağa hazırdır.

"Report" xəbər verir ki, bunu iqtisadiyyat naziri Mikayıl Cabbarov bu gün keçirilən "Baku ID" (Baku İnvestment Day) festivalında deyib.

"Biz, mentorluq proqramlarına resurslar ayırmaqdan məmnun olarıq. Təhsil naziri kimi fəaliyyətə başlayanda bizi narahat edən məsələlərdən biri gənclərin əsas sahə kimi hüquq sahəsinə yönəlməsi idi. Hüquqşünas olmaq qəbahət deyil. Mənim də bu sahə üzrə təhsilim var. Amma bu kimi peşələr xüsusi iqtisadi dəyər yaratmır. Hazırda isə gənclərin IT mühəndisliyi kimi peşələrə üstünlük verdiyini görürük", - deyə nazir vurğulayıb.