"Azərpoçt" bayram günlərində 30 mindən çox məktub çatdırıb

Rəqəmsal İnkişaf və Nəqliyyat Nazirliyinə məxsus “Azərpoçt” MMC-yə Novruz bayramı günlərində (19-27 mart) 34 607 məktub, 351 beynəlxalq bağlama, 7 388 kiçik paket, 1 756 daxili bağlama daxil olub.

"Report" bu barədə şirkətə istinadən xəbər verir.

Eyni dövrdə şirkətdən həmçinin 31 712 məktub, 65 beynəlxalq bağlama, 7 388 kiçik paket, 1 661 daxili bağlama xaric olub.

Bundan başqa, “Azərpoçt” bayramda 169 Çağrı mərkəzi və digər əlaqə kanalları vasitəsilə 2291 müraciət qəbul edib. Müraciətlər daha çox poçt şöbələrinin iş rejimi, poçt göndərişlərinin çatdırılma müddəti, beynəlxalq pulköçürmələri, xidmətlər üzrə tariflər, poçt indeksləri, valyuta mübadiləsi barədə olub.