"Azərkosmos" iqlim dəyişikliyi ilə bağlı yeni layihələr üzərində işləyir

Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") iqlim dəyişikliyi ilə bağlı yeni layihələr üzərində işləyir.

"Report" xəbər verir ki, bunu Rəqəmsal İnkişaf və Nəqliyyat Nazirliyi yanında Kosmik Agentliyin ("Azərkosmos") Coğrafi İnformasiya Sistemləri Mərkəzinin Torpaqşünaslıq və torpaq kadastrı üzrə aparıcı mütəxəssisi Saleh Nəbiyev "Bakı İqlim Fəaliyyəti Həftəsi"nin 5-ci günündə çıxışı zamanı bildirib.

"Biz hazırda buzlaqların monitorinqini aparırıq. Həmçinin iqlim dəyişikliklərinin Xəzər dənizi və çay hövzələrinə təsirini müəyyən etmək üçün monitorinqlər həyata keçiririk", - deyə o qeyd edib.