Azərbaycanın İKT sektorunda məhsul istehsalı 9 % artıb

Bu ilin yanvar-may aylarında Azərbaycanda informasiya və rabitə sektorunda 843,5 milyon manatlıq məhsul istehsal edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 12,5 % çoxdur.

Təkcə may ayında bu sektorda 179,1 milyon manatlıq məhsul istehsal olunub ki, bu da əvvəlki aya nisbətən 2,3 %, ötən ilin eyni dövrünün göstəricisindən 9 % çoxdur.

Xatırladaq ki, bu ilin yanvar-may aylarında Azərbaycanda 48 026 milyon manatlıq və yaxud ötən ilin eyni dövrü ilə müqayisədə 4,2 % çox ümumi daxili məhsul istehsal olunub.