Azərbaycanda 10 ayda informasiya və rabitə sektoruna investisiya qoyuluşunun məbləği açıqlanıb

Bu ilin yanvar-oktyabr aylarında Azərbaycanın informasiya və rabitə sektoruna 262 milyon manat investisiya qoyulub.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 43,4 % azdır.

Təkcə oktyabrda isə sektora investisiya qoyuluşu 26 milyon manat olub ki, bu da 1 il əvvələ nisbətən 76 % azdır.

Hesabat dövründə ölkə iqtisadiyyatına investisiya qoyuluşunun 1,8 %-i informasiya və rabitə sektorunun payına düşüb.

Xatırladaq ki, 2024-cü ildə sektora investisiya qoyuluşu 630,4 milyon manat olub. Bu, 2023-cü illə müqayisədə 59,5 % çoxdur.