Azərbaycan Türkiyədən smartfon idxalını bərpa edib

Bu ilin ilk ayında Azərbaycana xaricdən 17 milyon ABŞ dolları dəyərində 69 min 362 ədəd smartfon gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 23 %, kəmiyyət olaraq – 42 % azdır.

Hesabat dövründə Azərbaycan Çindən 11,85 milyon ABŞ dolları dəyərində (bir il əvvəlki göstəricidən 8,6 % çoxdur) 60 min ədəd (+4 %), Hindistandan 3,52 milyon ABŞ dolları dəyərində (+67 %) 10 min 760 ədəd (+16 %), Vyetnamdan 2,5 milyon ABŞ dolları dəyərində (-73 %) 12 min 858 ədəd (-76 %), Türkiyədən 182,41 min ABŞ dolları dəyərində 21 min 227 ədəd və Koreyadan 1,4 min ABŞ dolları dəyərində 1 ədəd (bir il əvvəl tədarük olmayıb) cihaz alıb.

İki il 2 aylıq fasilənin ardından Türkiyədən smartfon tədarükü bərpa edilib.

Qeyd edək ki, 2022-ci ildə Azərbaycana idxal edilən (13 ölkədən) 1 milyon 144 min ədəd smartfonun 59,3 %-i Çinin payına düşüb.