Azərbaycan stolüstü kompüter istehsalını 3 dəfəyə yaxın artırıb

Bu ilin yanvar-may aylarında Azərbaycanda 1 427 ədəd noutbuk, 1 695 ədəd stolüstü kompüter istehsal edilib.

“Report” Dövlət Statistika Komitəsinə istinadən xəbər verir ki, bunlar, ötən ilin eyni dövrü ilə müqayisədə müvafiq olaraq 62 % və 2,6 dəfə çoxdur.

Ötən ay ölkədə noutbuk istehsal edilməyib. Eyni zamanda mayda 11 ədəd stolüstü kompüter istehsal edilib ki, bu da 1 il əvvələ nisbətən 79 % azdır.

2024-cü ildə Azərbaycanda 1 715 ədəd noutbuk, 2 139 ədəd stolüstü kompüter istehsal edilib. Bunlar, 2023-cü illə müqayisədə müvafiq olaraq 3 dəfə çox və 43,3 % azdır.