"Azərkosmos" və “Roskosmos” əməkdaşlığı genişləndirəcək

Rəqəmsal İnkişaf və Nəqliyyat Nazirliyi yanında Kosmik Agentliklə ("Azərkosmos") “Roskosmos” dövlət korporasiyası arasında əməkdaşlıq genişlənəcək.

"Report" xəbər verir ki, bunu nazir Rəşad Nəbiyev sosial şəbəkə hesabında qeyd edib.

Nazir Rusiyaya səfəri zamanı bir sıra görüşlər keçirdiyini açıqlayıb:

"Moskva şəhərində “Roskosmos” dövlət korporasiyasının Baş direktoru Dmitri Roqozinlə ikitərəfli görüş keçirdik. Görüşdə "Azərkosmos"la “Roskosmos” arasında mövcud əməkdaşlığı və birgə perspektiv layihələri müzakirə etdik".