Rusiya aviaşirkəti Gəncəyə uçuşlara başlayır

Bakı. 5 oktyabr. REPORT.AZ/ Rusiyanın "Ural Hava Yolları" şirkəti Nijnevartovsk - Gəncə - Nijnevartovsk marşrutu üzrə uçuşlara başlayır. 

“Report” Rusiya mətbuatına istinadən xəbər verir ki, aviareyslər (U6-2501 saylı) oktyabrın 30-dan başlayaraq, hər həftənin çərşənbə axşamı günləri "Airbus A320" markalı təyyarələrlə həyata keçiriləcək.

Təyyarə Nijnevartovskdan saat 09:35-də havaya qalxacaq və 4 saat 35 dəqiqədən sonra - saat 13:10-da Gəncəyə enəcək.

Geriyə dönüş isə saat 15:00-da baş tutacaq və təyyarə 4 saat 10 dəqiqədən sonra - saat 20:10-da Nijnevartovska enəcək. 

Bilət üzrə bir tərəfə minimal tarif 12 350 rubl (təxminən  manat) təşkil edir.