Azərbaycanda gələn il yenidən qurulacaq avtomobil yolları məlum olub

Bakı. 16 noyabr. REPORT.AZ/ “Azərbaycan Avtomobil Yolları Dövlət Agentliyi (AAYDA) gələn il yeni yolların tikintisinə başlayacaq”.

“Report” xəbər verir ki, bunu jurnalistlərə açıqlamasında qurumun sədri Saleh Məmmədov deyib.

Onun sözlərinə görə, artıq həmin yolların layihələri hazırdır: “Gələn il Gəncədən Qırmızı Körpüyə qədər olan yolun 2-ci texniki dərəcədən 1-ci texniki dərəcəyə keçirilməsi nəzərdə tutulub. Bundan başqa, Ucar-Zərdab-Ağcabədi və Biləsuvar-Bəhrəmtəpə yolları, eləcə də Xaldan-Gürcüstanla dövlət sərhədi yolunun Xaldan-Şəki hissəsi yenidən qurulacaq".