Azərbaycan və İran kosmik sahədə əməkdaşlığa başlayır

Bakı. 4 dekabr. REPORT.AZ/ "Azərbaycan ilə İran arasında kosmik əməkdaşlıq başlamaq üzrədir".

Bunu “Report”a açıqlamasında İranın rabitə naziri Məhəmməd Cavad Cəhromi bildirib.

“Hazırda İranın Azərbaycana məxsus peyklərdən istifadə etməsi ilə bağlı danışıqlar aparırıq. Bundan başqa, İran peyklərin istehsal texnologiyasına malikdir. Bu sahədə Azərbaycanla əməkdaşlıq edə bilərik. Təklifimiz ondan ibarətdir ki, hər iki ölkənin elmi araşdırmaları ilə birgə peyk hazırlansın”, - o deyib.