MSN-in nümayəndə heyəti “Vietnam Defence Expo 2024” sərgisində iştirak edir

Vyetnamın Hanoy şəhərində “Vietnam Defence Expo 2024” 2-ci Beynəlxalq Müdafiə Sərgisi işə başlayıb, Azərbaycan nümayəndə heyəti də iştirak edir.

Bu barədə "Report"a Müdafiə Sənayesi Nazirliyindən (MSN) məlumat verilib.

Vyetnamın Milli Müdafiə Nazirliyinin təşkilatçılığı ilə iki ildən bir keçirilən sərgidə silah, döyüş sursatları, hərbi hava və hava hücumundan müdafiə vasitələri, hərbi gəmilərin sistem və avadanlıqları, pilotsuz uçuş aparatları, helikopterlər, rabitə, naviqasiya sistemləri, zirehli nəqliyyat, kəşfiyyat və radioelektron mübarizə vasitələri və s. nümayiş etdirilir.

Qeyd edək ki, tədbir dekabrın 22-də başa çatacaq.