Zakir Həsənov Qırğızıstanın müdafiə nazirinə başsağlığı verib

Azərbaycanın müdafiə naziri general-polkovnik Zakir Həsənov Qırğızıstana başsağlığı verib.

Bu barədə "Report"a Müdafiə Nazirliyindən bildirilib.

Məlumata görə, Z.Həsənov yanvarın 17-də təlim-məşq uçuşları zamanı "Mİ-8" hərbi helikopterinin qəzaya uğraması ilə bağlı Qırğız Respublikasının müdafiə naziri general-leytenant Baktıbek Bekbolotova başsağlığı ünvanlayıb.

Qeyd edək ki, yanvarın 17-də Qırğızıstanın paytaxtı Bişkekdə hərbi helikopterin qəzaya uğraması nəticəsində 1 nəfər ölüb, 7 nəfər yaralanıb.