Zərdabda ağır yol qəzası olub, xəsarət alanlar var

Hadisə

28 iyun, 2017
10:28

Zərdabda ağır yol qəzası olub, xəsarət alanlar var

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Zərdab. 28 iyun. REPORT.AZ/ Zərdab rayonunda ağır yol-nəqliyyat hadisəsi baş verib.

“Report” Şirvan bürosunun verdiyi məlumata görə, hadisə rayonun Bıçaqçı və Körpükənd kəndləri ərazisində qeydə alınıb.

Belə ki, "VAZ-21" markalı avtomobillərin toqquşması nəticəsində ən azı üç nəfər ciddi bədən xəsarəti alıb. Yaralılar Bıçaqçı kəndinin sakinləridir. Onlardan ikisinin vəziyyəti ağır olduğundan Ucar və Ağdaş rayon mərkəzi xəstəxanalarına göndərilib. Xəsarət almış şəxslərdən biri - 1965-ci il təvəllüdlü Qurban Ərəstun oğlu Salikov Ağdaş Rayon Mərkəzi Xəstəxanasında ilkin tibbi yardım aldıqdan sonra təcili yardım maşını ilə özəl klinikalardan birinə göndərilib.

Faktla bağlı araşdırma aparılır.