Zaqatala sakini intihar edib

Zaqatala sakini özünü asaraq intihar edib.

"Report"un Şimal-qərb bürosunun məlumatına görə, hadisə Zaqatala rayonunun Dardoqqaz kəndində baş verib.

Kənd sakini 1984-cü il təvəllüdlü Ömərxan Makarov yaşadığı evin həyətində olan istifadəsiz mal tövləsində özünü asıb. Onun meyiti yaxınları tərəfindən aşkar edilib.

Məlumata görə, 40 yaşlı Ö. Makarovun 2 azyaşlı övladı var.

Faktla bağlı araşdırma aparılır.