Xırdalanda dələduzluqda şübhəli bilinən şəxslər saxlanılıb

Xırdalan şəhər sakini olan qadına qarşı 1051 manat məbləğində dələduzluq etməkdə şübhəli bilinən şəxslər saxlanılıb.

Bu barədə “Report”a Daxili İşlər Nazirliyindən (DİN) məlumat verilib.

Bildirilib ki, Xırdalan şəhər sakini olan qadın onu aldadan şəxslə bağlı polisə müraciət edib.

Abşeron Rayon Polis İdarəsi əməkdaşlarının keçirdikləri tədbir nəticəsində dələduzluq əməlini törətməkdə şübhəli bilinən, əvvəllər də eyni əməllərə görə məhkum olunmuş Elçin Əliyev və Fəyyaz Zeynalov müəyyən olunaraq saxlanılıb.

Faktla bağlı araşdırma aparılır.

Selcan Zaurqızı