Xaçmazda yük avtomobili ilə minik maşını toqquşub, 3 nəfər xəsarət alıb

Xaçmazda ağır yol qəzası nəticəsində 3 nəfər xəsarət alıb.

"Report"un Şimal bürosunun məlumatına görə, Xaçmaz-Niyazoba avtomobil yolunda "KamAz" markalı yük avtomobili ilə "Nissan" markalı minik avtomobili toqquşub.

Nəticədə 1957-ci il təvəllüdlü Turablı Vidadi Turab oğlu, 1941-ci il təvəllüdlü Hüseynov Vaqif Zabulla oğlu və 1959-cu il təvəllüdlü Şirinova Gülnaz Bəhlul qızı müxtəlif dərəcəli bədən xəsarətləri alıblar.

Faktla bağlı araşdırma aparılır.