Tovuzda keçmiş şərab zavodunun ərazisində baş verən yanğın söndürülüb - YENİLƏNİB - 2

Tovuzda zavodda baş vermiş yanğın qısa müddətdə söndürülüb.

"Report"un Qərb bürosunun məlumatına görə, Tovuz rayonunun Qovlar şəhərindəki keçmiş şərab zavodunun ərazisində yerləşən tikililərdən birində baş vermiş yanğın artıq söndürülüb.

Baş vermiş yanğınla əlaqədar əraziyə Fövqəladə Hallar Nazirliyi (FHN) Dövlət Yanğından Mühafizə Xidmətinin qüvvələri cəlb olunub.

Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində zavodda baş vermiş yanğın söndürülüb.

Tovuzda keçmiş Şərab Zavodunun ərazisində baş vermiş yanğın lokallaşdırılıb.

"Report"un Qərb bürosunun məlumatına görə, rayonun Qovlar şəhərindəki keçmiş şərab zavodunun ərazisində yerləşən tikililərdən birində baş vermiş yanğın artıq lokallaşdırılıb.

Qeyd edək ki, yanğın nəticəsində tikilinin içərisində olan istifadəyə yararsız çənlər yanıb.

Hadisə zamanı xəsarət alan və tüstüdən zəhərlənənlərin olmadığı bildirilib.

Faktla bağlı araşdırma aparılır.

Tovuz rayonunun Qovlar şəhərindəki şərab zavodunda yanğın baş verib.

"Report"un Qərb bürosunun məlumatına görə, hadisə yerinə Fövqəladə Hallar Nazirliyinin (FHN) Tovuz rayon Yanğından Mühafizə hissəsinin və ətraf rayonlardan yanğınsöndürən briqadalar cəlb olunub.

Hazırda yanğının söndürülməsi istiqamətində işlər davam edir.

Faktla bağlı araşdırma aparılır.