​Sumqayıtda yanğın nəticəsində bir nəfər xəsarət alıb

Bakı. 12 aprel. REPORT.AZ/ Sumqayıt şəhərində vətəndaşa məxsus birmərtəbəli 1 otaqlı evin yanar konstruksiyaları ev əşyaları ilə birlikdə yanıb.

“Report” xəbər verir ki, yanğın zamanı evdə bir nəfər yanıq xəsarətləri alıb və Təcili Tibbi Yardım xidməti tərəfindən aparılıb.

Evə bitişik yardımçı otaqlar yanğından mühafizə olunub. Yanğın saat 00:40-da yanğınsöndürənlər tərəfindən söndürülüb.