Sumqayıtda iki uşaq anası iyulda itkin düşüb

Sumqayıtda 1993-cü il təvəllüdlü Abdulova Gültəkin Əkbər qızı itkin düşüb.

Bu barədə “Report”a qadının həyat yoldaşı B.Abdulov məlumat verib.

B.Abdulovun sözlərinə görə, qadın iyulun 22-də yaşadığı evdən çıxıb və bu günə qədər geri qayıtmayıb. Ailə üzvləri bununla bağlı hüquq-mühafizə orqanlarına məlumat veriblər. Məlumata görə, tanışları G.Abdulovanı son dəfə Şəhidlər Xiyabanında görüblər.

Qeyd edək ki, qadının iki övladı var. G.Abdulova psixoloji problemdən əziyyət çəkir. Onu görənlərdən və ya qadın barəsində məlumatı olanlardan 055-813-67-93 telefon nömrəsinə zəng etmələri xahiş olunur.

Gültəkin Abdulova