Şəmkirdə evdə partlayışda ana və qızı xəsarət alıb - YENİLƏNİB 

Şəmkirdə qazsızma nəticəsində ana və 19 yaşlı qızı xəsarət alıb.

"Report"un Qərb bürosunun məlumatına görə, hadisə nəticəsində ev sahibi 1985-ci il təvəllüdlü Şəhla Əzizova və onun qızı, 2005-ci il təvəllüdlü A.Əzizova xəsarət alıb.

Yaralılar xəstəxanaya aparılıb, qadının vəziyyəti orta-ağır qiymətləndirilir, qızı isə yüngül bədən xəsarətləri alıb.

08.48

Şəmkir rayonunda evdə baş vermiş partlayış nəticəsində bir nəfər yaralanıb.

"Report"un Qərb bürosunun məlumatına görə, hadisə rayonun Aşağı Seyfəli kəndində qeydə alınıb.

Əraziyə hüquq mühafizə orqanlarının və Fövqəladə Hallar Nazirliyinin əməkdaşları cəlb olunub.

Faktla bağlı araşdırma aparılır.