Şəmkirdə yol qəzasında xəsarət alanların şəxsiyyəti məlum olub

Bakı-Qazax avtomobil yolunda baş verən yol-nəqliyyat hadisəsində xəsarət alanların şəxsiyyəti məlum olub. 

"Report"un Qərb Mərkəzinin məlumatına görə, hadisə nəticəsində 1967-ci il təvəllüdlü Novruz Novruzov, 1997-ci il təvəllüdlü Osman Məmmədov və daha 1 nəfər müxtəlif bədən xəsarətləri alıb.

Xəsarət alanların hər 3-ü xəstəxanaya yerləşdirilib.

Faktla bağlı araşdırmalar davam edir.

19:48

Bakı-Qazax avtomobil yolunda yol-nəqliyyat hadisəsi olub.

"Report"un məlumatına görə, hadisə Bakı-Qazax avtomobil yolunun Şəmkir rayonunun Düyərli kənd ərazisindən keçən hissəsində qeydə alınıb.

"Toyota Prado" və "VAZ-2106" markalı avtomobillərin toqquşması nəticəsində bir neçə nəfərin xəsarət aldığı bildirilir. Hadisə yerinə təcili tibbi yardım briqadası və Dövlət Yol Polisi İdarəsinin əməkdaşları cəlb edilib.

Faktla bağlı araşdırmalara başlanılıb.