Sabunçuda avtomobil orta yaşlı qadını vuraraq öldürdü

Bakıda ölümlə nəticələnən yol-nəqliyyat hadisəsi baş verib.

"Report"un məlumatına görə, hadisə Sabunçu rayonunda qeydə alınıb.

Kürdəxanı qəsəbəsində yolu keçən orta yaşlı qadını (şəxsiyyəti müəyyənləşdirilir-red) avtomobil vurub. Ağır bədən xəsarətləri alan yaralı təcili tibbi yardımın köməkliyi ilə xəstəxanaya aparılarkən yolda dünyasını dəyişib.

Hadisənin təfərrüatı araşdırılır.