Sabirabadda avtomobil elektrik dirəyinə çırpılıb, xəsarət alanlar var

Sabirabadda, H.Əliyev prospektində avtomobilin elektrik dirəyinə çırpılması nəticəsində 2 nəfər xəsarət alıb.

“Report”un Aran bürosunun məlumatına görə, “Mercedes” markalı avtomobil idarəetmədən çıxaraq yolun kənarındakı elektrik dirəyinə çırpılıb.

Qəza nəticəsində sürücü (şəxsiyyəti dəqiqləşdirilir - red) və sərnişin, Saatlı rayonunun Cəfərxan kənd sakini, 1971-ci il təvəllüdlü Ağamalıyeva Fəxrəndə Bəxtiyar qızı xəsarət alıblar.

F.Ağamalıyeva Sabirabad Rayon Mərkəzi Xəstəxanasına çatdırılıb.

Faktla bağlı araşdırma aparılır.