Qusarda hovuzda meyiti aşkarlanan şəxsin kimliyi məlum olub - YENİLƏNİB

Qusar rayonunda hovuzda meyiti aşkarlanan şəxsin kimliyi məlum olub.

"Report"un Şimal bürosuna mərhumun ailə üzvləri bildirib ki, rayonun İmamqulukənd kəndinin sakini, 1960-cı il təvəllüdlü Xosrovov Şirvan Allahverdi oğlu hovuzda boğularaq ölüb.

Meyit müayinə olunması üçün Səhiyyə Nazirliyinin Məhkəmə-Tibbi Ekspertizası və Patoloji Anatomiya Birliyinin Qusar rayon şöbəsinə təhvil verilib.

Faktla bağlı araşdırma aparılır.

Qusar sakini hovuza düşərək ölüb.

"Report" xəbər verir ki, bu barədə Fövqəladə Hallar Nazirliyi (FHN) məlumat yayıb.

FHN-in Böhran Vəziyyətlərində İdarəetmə Mərkəzinə Qusar rayonunun İmamqulukənd kəndində 1 nəfərin dərinliyi təqribən 3 metr olan hovuza düşərək orada köməksiz vəziyyətdə qalması barədə məlumat daxil olub. Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış ünvanına cəlb olunub.

Yanğınsöndürən-xilasedicilər təhlükəsizlik qaydalarına riayət etməklə 1 nəfərin meyitini hovuzdan çıxararaq aidiyyəti üzrə təhvil veriblər.