Qaraçaydan çınqıl-qum qarışığı qanunsuz hasil edən vəzifəli şəxslər cərimələnib

Quba rayonu ərazisində fiziki şəxslər Elçin Mustafayev, Zaur Cəfərov və Zərbadə Məmmədova Qaraçay çayından onlara məxsus karxanalardan istifadə edərək qanunsuz olaraq 16 027 kubmetr çınqıl-qum qarışığı hasil ediblər.

"Report" xəbər verir ki, bu barədə Dövlət Ekoloji Təhlükəsizlik Xidməti məlumat yayıb.

Aşkar edilmiş pozuntularla əlaqədar məsul şəxslər - Çingiz Nəcəfov ("Az İnşaat" MMC), Zamiq Şirinov ("Bermud" firması) və karxana işçiləri İlkin Ədilov, Vilayət Həsənov və Zəfər Vəhabov barəsində protokollar tərtib edilib. Həmin şəxslər qanuna uyğun olaraq inzibati məsuliyyətə cəlb olunublar.