Avtomobili ilə Qarabağ kanalına düşərək boğulan sürücünün meyiti tapılıb.
"Report"un məlumatına görə, aprelin 16-da Qarabağ kanalının Yevlax rayon Malbinəsi kəndi ərazisindən keçən hissəsində baş verib.
Kəlbəcər rayon sakini, Yevlax rayonunda məskunlaşan,1999-cu il təvəllüdlü Sərxan Rizvan oğlu İsmayılzadə "VAZ-2107" markalı avtomobillə hərəkətdə olarkən idarəetməni itirib və maşını Qarabağ su kanalına aşırmışdı.
Hadisədən dərhal sonra sürücünün axtarışları üçün Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunmuşdu.
Axtarışlar nəticəsində bu gün səhər saatlarında S.İsmayılzadənin meyiti tapılaraq sudan çıxarılıb və aidiyyəti üzrə təhvil verilib.
Faktla bağlı araşdırma aparılır.