Ötən il Azərbaycanda 1 polis həlak olub, 74-ü xəsarət alıb

Ötən il Azərbaycanda xidməti vəzifələrinin icrası zamanı 2 nəfər (1 polis əməkdaşı və Daxili Qoşunların 1 hərbi qulluqçusu) həlak olub.

"Report"un xəbərinə görə, bu, Nazirlər Kabinetinin 2021-ci ildə fəaliyyəti haqqında hesabatında əksini tapıb.

Qeyd edilib ki, 79 nəfər (74 polis əməkdaşı və Daxili Qoşunların 5 hərbi qulluqçusu) xəsarət alıb.