Oğuzda avtomobillərin toqquşması nəticəsində xəsarət alanların şəxsiyyətləri məlum olub - YENİLƏNİB

Oğuzda avtomobillərin toqquşması nəticəsində xəsarət alanların şəxsiyyətləri məlum olub.

​"Report"un Şimal-qərb bürosunun məlumatına görə, xəsarət alan şəxslər 1997-ci il təvəllüdlü Pərviz İsayev və və 1995-ci il təvəllüdlü Əli Ellazovdur. Yaralılar Oğuz Rayon Mərkəzi Xəstəxanasına yerləşdiriliblər.

​Qeyd edək ki, yol qəzası Oğuz-Şəki avtomobil yolunun Oğuz rayonunun Calut kəndi ərazisindən keçən hissəsində baş verib. Pərviz İsayevin idarə etdiyi "VAZ-2106" və Azad Xəlilovun idarə etdiyi "VAZ-2107" markalı avtomobillər toqquşub.

Faktla bağlı araşdırma aparılır.

17:34

Oğuz-Şəki avtomobil yolunun Oğuz rayonunun Calut kəndi ərazisindən keçən hissəsində ağır qəza baş verib.

"Report"un Şimal-qərb bürosunun məlumatına görə, "VAZ-2106" və "VAZ-2107" markalı avtomobillər toqquşub.

Nəticədə avtomobillərdə olan bir neçə nəfərin xəsarət aldığı bildirilir. Hazırda yaralıların şəxsiyyətləri dəqiqləşdirilir.

Faktla bağlı araşdırma aparılır.