Neftçalada qonşular arasında bıçaqlanma olub

Neftçala. 13 yanvar. REPORT.AZ/ Neftçalada rayon sakini qonşusu tərəfindən bıçaqlanıb.

“Report”un Aran bürosu xəbər verir ki, hadisə rayonun Aşağı Surra kəndində qeydə alınıb.

1983-cü il təvəllüdlü kənd sakini Günəşov Ramil Zakir oğlu 1976-ci il təvəllüdlü qonşusu Ələkbərov Tərlan İmran oğlu tərəfindən aralarında yaranmış mübahisə zamanı bıçaqlanıb. Yaralı R.Günəşov Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.

Daha əvvəl Lənkəran sakini həmkəndlisini bıçaqlayıb.