Neftçalada avtomobillə motosikletlə toqquşub, xəsarət alanlar var

Neftçala şəhərində iki nəfərin xəsarət alması ilə nəticələnən yol qəzası baş verib.

“Report”un Aran bürosunun məlumatına görə, hərəkətdə olan “Mersedes” markalı avtomobil motosikletlə toqquşub.

Qəza nəticəsində rayonun Kürkənd kənd sakinləri, 2007-ci il təvəllüdlü Hacıyev Hüseyn Ruslan oğlu və 2004-cü il təvəllüdlü Qəribəliyev Əbülfəz İlham oğlu xəsarətlər alıblar.

Yaralılar Neftçala Rayon Mərkəzi Xəstəxanasına çatdırılıblar.

Faktla bağlı araşdırma aparılır.