Bakı. 7 aprel. REPORT.AZ/ Metronun “28 May” stansiyasında oğurluq edən şəxs tutulub.
"Report" xəbər verir ki, bu barədə Daxili İşlər Nazirliyinin (DİN) rəsmi saytı məlumat yayıb.
Belə ki, aprelin 4-də metronun “28 May” stansiyasında Bakı şəhər sakini Elvira Cəfərovanın cibindən mobil telefon oğurlanıb.
Bakı Şəhər Baş Polis İdarəsinin Metropolitendə Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən paytaxt sakini Fərid Ağaəliyev tutulub.
Faktla bağlı araşdırma aparılır.