Məhkəmə Nərgiz Absalamova barəsində qərar verib

Nərgiz Absalamova barəsində olan həbs qətimkan tədbiri daha 3 ay uzadılıb.

"Report" xəbər verir ki, qərar Xətai Rayon Məhkəməsinin hakim Sahibə Hacıyevanın sədrliyi ilə keçirilən iclasda elan olunub.

Qeyd edək ki, ötən ilin dekabr ayının 1-də onun barəsində 3 aylıq həbs qətimkan tədbiri seçilmişdi.

Ona qarşı 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.

Daha öncə “Abzas Media”nın direktoru Ülvi Həsənli və baş redaktoru Sevinc Vaqifqızı, eləcə də saytın direktor müavini Məhəmməd Kekalov qaçaqmalçılıq ittihamı ilə həbs ediliblər.