Lerikdə supermarket qarət olunub

Bakı. 14 yanvar. REPORT.AZ/ Lerik rayonunun mərkəzində, avtovağzal ərazisində yerləşən Natiq Adıyevə məxsus "Halal" supermarketi qarət olunub. "Report"un məlumatına görə, mağaza sahibinə xeyli miqdarda ziyan vuran qarətçi və ya qarətçilər təhlükəsizlik kamerasından yayına biliblər. Lerik Rayon Polis Şöbəsindən (RPŞ) bildirilib ki, qarətçilər gecə saatlarında mağazaya arxa tərəfdən yaxınlaşıb, dam örtüyünü sökməklə içəri daxil olublar: "Mağaza sahibinə külli miqdarda ziyan dəyib. Bunda başqa marketdə yerləşdirilən "Milli Ön" ödəniş terminalına müdaxilə olunub, lakin terminalda olan pulları götürə bilməyiblər". 
Faktla bağlı Lerik RPŞ-də araşdırma aparılır.