Kürdəmirdə ikimərtəbəli ev əşyaları ilə birlikdə yanıb

Kürdəmir rayonunda ikimərtəbəli fərdi yaşayış evi yanıb.

“Report”un Yuxarı Şirvan bürosu xəbər verir ki, hadisə rayonun Həmzə Məhərrəmli kəndində qeydə alınıb.

Belə ki, kənd sakini, 61 yaşlı İsmayılov İlham Əbülfəz oğluna məxsus, ümumi sahəsi 260 m² sahəsi olan ikimərtəbəli ev əşyaları ilə birlikdə yanıb.

Hadisə yerinə Fövqaladə Hallar Nazirliyinin Kürdəmir rayon Dövlət Yanğından Mühafizə Hissəsinin texnikası və canlı qüvvəsi cəlb olunub.

Yanğın söndürülüb və digər ərazilərə keçməsinin qarşısı alınıb.

İlkin ehtimala görə yanğına səbəb elektik naqillərində yaranan qısaqapanmadır. Faktla bağlı araşdırma aparılır.