Kürdəmirdə iki avtomobil toqquşub, xəsarət alan var

Kürdəmirdə avtomobil qəzası baş verib.

"Report"un Yuxarı Şirvan bürosunun məlumatına görə, hadisə rayonun Bakı prospektində qeydə alınıb.

Belə ki, "VAZ 2107" və "VAZ 2109" markalı avtomobillər toqquşub. Nəticədə sərnişin, 17 yaşlı İsmayılova Fatimə Taleh qızı müxtəlif dərəcəli bədən xəsarəti alıb. Yaralı Kürdəmir Rayon Mərkəzi Xəstəxanasına yerləşdirilib.

Faktla bağlı araşdırma aparılır.