Kürdəmirdə avtomobil qəzası baş verib, 4 nəfər xəsarət alıb - VİDEO - YENİLƏNİB-2

Video əlavə olunub

*** 13:51

Kürdəmir rayonunda baş verən yol qəzasında 4 nəfər xəsarət alıb.

"Report"un Yuxarı Şirvan bürosu xəbər verir ki, bunlar Bakı şəhər sakinləri - sürücü, 1971-ci təvəllüdlü Cavadova Kəmalə Balaca qızı, sərnişinlər - 1964-cü il təvəllüdlü Cəfərova Raya, 1998-ci il təvəllüdlü Bədəlova Aytac Nahid qızı və 2004-cü il təvəllüdlü Cəfərova Gülnur Azər qızıdır. Yaralılar müxtəlif bədən xəsarətləri ilə Kürdəmir Rayon Mərkəzi Xəstəxanasının Travmatologiya şöbəsinə yerləşdiriliblər.

Faktla bağlı araşdırma aparılır.

***13:17

Kürdəmir rayonunda xəsarətlə nəticələnən yol qəzası baş verib.

"Report"un Yuxarı Şirvan bürosu xəbər verir ki, hadisə Bakı-Qazax avtomobil yolunun rayonun Atakişilli kəndindən keçən hissəsində baş verib.

Belə ki, "Mitsubishi" markalı avtomobil idarəetmədən çıxaraq aşıb. Nəticədə sürücü xəsarət alaraq xəstəxanaya yerləşdirilib.

Fakt araşdırılır.

Kürdəmirdə avtomobil qəzası baş verib, 4 nəfər xəsarət alıb - VİDEO - YENİLƏNİB-2