Şirvan suvarma kanalında batan gəncin meyiti tapılıb - YENİLƏNİB

Şirvan suvarma kanalının İsmayıllı rayonunun Qubaxəlilli kəndindən keçən hissəsində batan 23 yaşlı gəncin meyiti tapılıb.

"Report"un Yuxarı Şirvan bürosu xəbər verir ki, onun meyiti batdığı ərazidən Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasedicilərinin köməyi ilə tapılaraq sudan çıxarılıb və aidiyyəti üzrə təhvil verilib.

18:01

İsmayıllıda bədbəxt hadisə baş verib.

"Report"un Yuxarı Şirvan bürosu xəbər verir ki, rayonun Qubaxəlilli kəndində 2003-cü il təvəllüdlü Məhərrəmov Rəvan Vaqif oğlu su kanalında batıb.

Hadisə yerinə İsmayıllı rayon hüquq-mühafizə orqanları əməkdaşları cəlb olunub.

Hazlrda onun axtarışları davam etdirilir.