Bakı. 29 dekabr. REPORT.AZ/ "Bizim xahişimizlə Fövqəladə Hallar Nazirliyi 3 helikopter ayırıb. Jurnalistlər və valideynlər "Günəşli" yatağındakı 10-cu və "Neft daşları"ndakı 501-ci özülə uçub ordakı axtarış-xilasetmə işləri ilə tanış olacaqlar".
"Report" xəbər verir ki, bunu jurnalistlərə açıqlamasında Dövlət Neft Şirkətinin (SOCAR) vitse-prezidenti Xalik Məmmədov deyib.
X.Məmmədovun sözlərinə görə, dənizdəki qasırğa axtarış-xilasetmə işlərinə çətinlik yaradır.
"Hazırda Fövqəladə Hallar Nazirliyi, Dövlət Sərhəd Xidməti, Xəzər Dənizi Gəmiçiliyinin helikopter və gəmiləri axtarış işlərinə cəlb edilib", - deyə X.Məmmədov qeyd edib.