İmişli. 4 iyul. REPORT.AZ/ İmişli rayon sakini “QAZel”dən yıxılaraq ölüb.
“Report”un Aran bürosunun məlumatına görə, hadisə iyulun 3-də rayonun Boşçallar kəndində baş verib.
Belə ki, həmin kəndin sakini Taleh Süleymanovun idarə etdiyi “QAZel” markalı avtomobilin yük yerində olan sərnişini, həmkəndlisi Qərib Qocayev ehtiyatsızlığı nəticəsində yıxılıb. Q.Qocayev hadisə yerində ölüb.
Faktla bağlı İmişli Rayon Polis Şöbəsi tərəfindən araşdırma aparılır.