​Bakıda avtomobil təmiri sexində yanğın olub

Bakı. 28 aprel. REPORT.AZ/ Axşam saatlarında Bakının Nəsimi rayonunda avtomobil təmiri sexinin ərazisində yanğın baş verib.

"Report" Fövqəladə Hallar Nazirliyinə istinadən xəbər verir ki, hadisə nəticəsində vətəndaşa məxsus “Mercedes” markalı yük avtomobilinin banında 1 ədəd elektrik generatoru və kompressorun yanar hissələri yanıb, yüksək temperaturdan yaxınlıqdakı istifadə olunmayan konteynerin qapısı və sahibi məlum olmayan "Daewoo" markalı sərnişin avtobusunun qabaq sağ tərəf hissəsi əriyib.

Yanğından yük avtomobilinin qalan hissəsi və yaxınlıqdakı digər avtomobillər mühafizə olunub.