Göygöldə avtomobil piyadanı vuraraq öldürüb 

Göygöldə piyadanın ölümü ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə rayon ərazisində yerləşən şadlıq saraylarının birinin yaxınlığında qeydə alınıb.

Avtomobilin vurduğu 1998-ci il təvəllüdlü Elvin Ələsgərov aldığı xəsarətdən hadisə yerində dünyasını dəyişib. Meyit tibbi ekspertizaya aparılıb. İlkin məlumata görə, həmin şəxs toy mərasimindən çıxan qonaqlardan biri olub.

Faktla bağlı araşdırma aparılır.