Goranboyda külək fəsadlar törədib

Goranboy rayonunda güclü külək bəzi fəsadlar yaradıb.

“Report”un Qərb bürosunun məlumatına görə, güclü külək səbəbindən gecə saatlarında rayonun bir neçə ərazisində iri gövdəli ağaclar aşıb.

Nəticədə bəzi küçə işıqlandırıcıları sınıb. Bakı-Qazax magistral yolunun rayon ərazisindən keçən hissələrində metal yol ayırıcılarına da zərər dəyib.

Qeyd edək ki, bölgədə küləkli hava şəraiti davam edir.